BE.105 Logu no.86
DEBATA DO MANGGOMGOMI

Ayat 1
Ro ma Tondi Parbadia Debatangku situtu
Rohanami ma paria mangoloi hataM burju
Sai sondangi ma tongtong Rohanami na holom.

Ayat 2
Lehon ma di rohanami Hapistaran na sintong
Asa tung huboto hami Marparange di joloM
Sian haliluon pe Sai palua hami be.

Ayat 3
Patuduhon ma di hami Dalan hangoluan i;
Paimbaru rohanami Sai padao ma dosa i
Pargogoi ma hami be Tu na denggan sasude

Ayat 4
Pabotohon ma tu hami Na hinatindangkonmi;
Anak ni Debata hami Na marhaojahan
Di Mudar niusehon ni Anak ni Debata. i

Ayat 5
Molo marsitaonon hami Jala marniae disi
Unang , Ale Tuhannami PadaoonMu bohiMi
Lehon apulapulMi Tu bagasan rohangki

Ayat 6
Di na jumpang ajalnami Pabotohon ma torang
Denggan ni basaM tu hami asa hami saut monang
Lao manjalo tumpal i Na so olo malos be.
